Sare Hezkuntza Gelan

Hezkuntza berriztatzeko proiektu honek hiru helburu ditu:

1. Metodologia, teknologia, material eta baliabide digitalen erabilera bultzatzea ikasgelan ikasteko prozesuaren barruan.

2. Ezagutzaren prozesuan material eta baliabide digitalak lantzea eta ikasgelan erabiltzea sustatzea; material horiek guztiak jabari publikokoak izango dira eta euskal hezkuntza-sistemaren eskura jarriko dira.

3. Ikastetxeetan aldaketa metodologikoa egiteko behar den prestakuntza teknologikoa eta pedagogikoa ematea.

Proiektu honetan parte hartzean, zentroaren helburu nagusia da Lehen Hezkuntzako 2. eta 3. zikloetan ikaskuntza-prozesuko material eta baliabide digitalen prestaketa eta erabilera sustatzea.
Proiektuak bi urte iraunen du. 2016/17 ikasturtean zehar ikasleek parte hartuko dute, lauza­ak eta 3. mailako espezialistak, eta 2017-18 ikasturtean 4. mailakoak izango dira. Gainera, IKT dinamizatzaileak eta zuzendaritza taldeko pertsona batek proiektuaren jarraipena egin eta lagunduko dute.

Unitate didaktiko bat sortu edo egokituko da, gutxienez, hiru arlotan: Natur Zientziak, Gizarte Zientziak, Euskara eta Literatura, musika eta Gorputz Hezkuntza.

E-gelako ordenagailuak eta ikastetxean dauden Chromebook-ak erabiliko dira ikasleekin.

Irakasleen prestakuntzari dagokionez, Berritzeguneak antolatzen dituen mintegietan parte hartzeaz gain (Lehen Hezkuntzako IKTak, Ikaskuntza kooperatiboa eta Lehen Hezkuntzako proiektuen bidezko lana), teknologia-arloari dagokionez, Berritzeguneko "Lehen Hezkuntzako IKTak" mintegia ez ezik, berariazko prestakuntza bat ere egingo da hainbat aplikazioren erabilera pedagogikorako. Proiektuak egiterakoan sor daitezkeen prestakuntza puntualak ere eginen dira.